ओझेल भित्रका सचेतना अभियान

समाचार

SOCIAL PIXEL

पर्यटन

विश्व सुख शान्ति बौद्ध विहारको शान तिलोत्तमा नगरको पहिचान

 चन्द्रा थापा मगर

पाल्पा जिल्ला वगनासकाली गाउँपालिकाको यम्घामा पर्ने दाङ्गसिंघा गाउँ अति मनोरम दृश्यले भरिपूर्ण छ ।  यो गाउँमा घुम्न आउने जो कोही व्यक्तिको पनि मन लोभिनु स्वभाविकै हो ।  पाल्पामा विभिन्न पर्यटकीय सम्भावना बोकेको ठाउँ र थुप्रै पर्यटकीय स्थलहरु भएकोले मैले कपीमा कोरेर परिचित गराइरहनु पर्दैन जिल्लाको नामै काफी छ र  पाल्पा आफैमा प्रसिद्ध एवम् परिचित जिल्ला हो । त्यसकारण मैले पाल्पा वगनासकाली वडा न.६ को दाङ्गसिंघा गाउँलाई मात्र समेटी कपीको पानामा  उतार्ने प्रयास गरेको छु । तानसेनको बर्तुङबाट चिलाङदी हँुदै मोटर बाटोको उकालो लागेपछि गोपालदी,बराङदी ,लिधिनडाँडा, चापपानी, गेजा, दरुंगाडाँडा,चुनरडाँडा हँुदै दाङ्गसिंघा गाउँ पुगिन्छ । यो गाँउमा थोरै पक्कीबाटो भए पनि धेरै कच्ची बाटाहरु रहेका छन् । त्यहाँ लगभग ६०/६५ घर धुरी भएकोले ९५ प्रतिशत मगरहरुको बाहुल्यता रहेको बस्ती हो । त्यहाँका  बालबालिकाहरुले पढ्ने कक्षा ४ सम्मको कानुङ प्राथमिक विद्यालय रहेको हुनाले विद्यालयमा अध्यापन गराउने ४ जना शिक्षिका मध्ये प्रधानध्यापक पनि शिक्षिका लिला बराल मगर नै रहेकी छिन् । यो गाउँका अधिकांश मगरहरु मगरभाषा  बोल्नेहुँदा  त्यहाँको वनपाखा बस्तीहरुको नाम पनि मगरभाषा मै रहेको पाइन्छ जस्तैः चिलाङदी, बराङदी, लिधिन डाँडा, गेजा, दरुंगाडाँडा, दाङ्गसिंघा जस्ता थुप्रै ठाउँको नाम लगायत स्कुुलको नाम पनि कानुङ  प्रा.वि. नै रहेको छ ।  त्यो गाउँको  व्यक्तिहरुको मुख्य पेशा कृषि नै भएकोले उत्पादन मकै, कोदो, फापर, पिँडालु, बेसार लगायत विशेष गरी अदुवा खेतीबाट बढी आम्दानी गरेको पाइन्छ ।  त्यहाँका किसानहरु मिलेर बर्षेनी लगभग ८/१० लाखको अदुवा विक्री गर्ने गरेको स्थानीय बासिन्दा एवम् शिक्षक खिम बहादुर कवँरले बताए । 

दाङ्गसिंघा गाउँमा पुरानो पुस्ताका दुई चार जना व्यक्तिहरु भारतीय सेनामा लाहुरे  थिए भने अहिलेका युवाहरु बैदेशिक रोजगारीमा गएका छन् । २०४२  साल तिर केही प्रोजेक्टहरुले खानेपानीको व्यवस्था गरिदिए पनि सफल हुन सकेन त्यसकारण ५४/५५ साल तिर फिनल्याण्ड प्रोजेक्टबाट खानेपानी ल्याए पनि त्यहाँका नागरिकहरुलाई पानीको समस्या अहिले पनि ज्यूँका त्यूँ छ । अरु गाउँमा एकघर एक धारा छ भने त्यहाँका  गाउँलेहरु एक घर एक गाग्रो पानी पालैपालो भर्ने गर्दछन् ।  त्यहाँका स्थानीय शिक्षक खिम बहादुर कवँरले खानेपानीको लागि उपभोत्ता समितिको अध्यक्षसँग कुुरा गर्दै आएकोले पानीको समस्या समाधान भयो भने दाङ्गसिंघा गाउँमा होमस्टे सञ्चालन गर्ने सोँच बनाएका छन् । गाउँदेखि माथि डाँडामा समथर परेको भाग छ त्यहाँ कालीगण्डकीबाट ल्याउँन लागिएको  पानी ट्याङ्की, नेपाल टेलिकमको टावर राखिएको रहेछ । त्यहाँबाट  चारै तर्फ विभिन्न जिल्लाहरु र हिमालका मनोरम दृश्यहरु सजिलै नियाल्न सकिन्छ । जस्तै पाल्पा जिल्लाको विभिन्न भाग, गुल्मी, पर्वत, स्याङजाको प्रकृतिसँग  रमाउँँँन र प्रकृतिलाई नजिकबाट नियाल्न चाहाने पर्यटहरुका लागि दाङ्गसिंघा गाउँ निकै उत्कृष्ट मानिन्छ । योे जिल्लाको विभिन्न ठाउँहरु ऐतिहासिक, धार्मिक, सांस्कृतिक तथा प्राकृतिक सम्पदाले आफैमा भरिपूर्ण छ ।  पाल्पाको विभिन्न ठाउँमा घुम्न  आउने पर्यटकहरुलाई दाङ्गसिंघा गाउँमा पनि पर्यटकको रुपमा भिœयाउँन सकियो भने त्यहाँका नागरिकहरुको जीवनस्तरमा आर्थिक उन्नतीले ठूलो टेवा पुग्न सक्ने स्थानीयवासीहरुको एकमत रहेकोछ । गाउँमा होमस्टे सञ्चालन गरेर आफ्नै गाउँमा उत्पादन भएका खाद्य तथा अन्य वस्तुहरुलाई प्रयोगमा ल्याई गाउँमै खपत गर्ने सोँच लिएका छन् शिक्षक खिम बहादुर कवँरले । कृषिमा आधारित गाउँलेहरुलाई कृषि एवम् सास्कृतिक पर्यटनसँग जोडेर माथि उठाउँन सकिने कुरा पनि कवँरले जानकारी दिए ।  होमस्टेमा आउँने पर्यटकहरुका लागि कालीगण्डकीबाट पानी ल्याइ सुइमिङपुल र बोटिङ्गको व्यवस्था गर्नुका साथै पाल्पा जिल्लाको विभिन्न पर्यटकीय स्थलहरु रानीमहल, कालीगण्डकी पावर हाउस,आलमदेवी लगायत यस्ता थुप्रै पर्यटकीय स्थलहरुका लागि टुर प्याकेजमा लाने सोँच शिक्षक खिम बहादुर कवँरले गरेका छन् । मगर मौलिक संस्कृति तथा सम्पदाले उत्कृष्ट मानिने पाल्पा जिल्लामा स्वदेशी तथा विदेशी पर्यटकीयहरुको आगमन गराउन सकियो भने यो दाङ्गसिंघा गाउँले समृद्धिमा फड्को मार्न सक्ने सम्भावना  रहेको देखिन्छ ।   

चन्द्रा थापा मगर

दाङको घोराही बजारदेखि उत्तर पट्टि लगभग ३ किलोमिटरको दुरीमा पर्ने बौद्धको नमः छु गुम्बा घोराही बासीहरुका लागि शान्तिको अनुभुति गर्न सकिने पहिलो  गन्तव्य स्थान बनेको छ  । यो गुम्बा बौद्ध धर्मालम्बीहरुको लागि मात्र नभएर सबै धर्म सम्प्रदायका व्यक्तिहरु पर्यटकका रुपमा आउने मुख्य ठाउँ हो । बुद्धलाई शान्तिको प्रतिकका रुपमा लिइने हदाँ घोराही आउने आन्तरिक तथा बाह्य पर्यटकहरुका लागि आकर्षणको केन्द्रविन्दु बनेको छ यो गुम्बा ।  समुन्द्री सतहदेखि केहि उचाईमा पर्ने यस गुुम्बाको अर्काे विशेषता भनेको ६१ फिट अग्लो भ्यु टावर राखिएको हुँदा त्यसबाट घोराही बजार र त्यहाँ वरपरका रमाईला दृश्यहरु राम्रोसँग अवलोकन गर्न सकिन्छ । घोराही उपमहानगर पालिका १८ मयुर डाँडामा पन्ध्र कठ्ठा क्षेत्रफलमा निर्माण  गरिएको गुम्बा घोराहीका मगर संघले २०५८ सालमा स्थापना गरेका हुन् ।  अहिले मानिसहरु खाना र नानाको खोजीमा मात्र छैन आत्म सम्मानको खोजीमा पनि छन् त्यो हो धर्म,त्यसकारण हामी हिन्दु धर्ममा अल्मली रहँदा हाम्रो भाषा, धर्म, संस्कृति भुल्दै जाने आंशकामा आफ्नो भाषा धर्मलाई जर्गेना गर्नु पर्छ भन्ने उद्देश्यले यो गुम्बा स्थापना गरेको बताए  गुम्बाका अध्यक्ष सत बहादुर रोका मगर ।  केही वर्ष पहिलेबाट नेपालमा धर्म सम्बन्धि विवाद भइ रहेको छ । यद्यपी नेपाल हिन्दु राष्ट्र होइन धर्म निरपेक्षता हुनु पर्छ भन्ने टिका टिप्पणी भइ रहदाँ त्यहाँका मगर संघले हामी आदिबासी जनजातिहरु बौद्धिष्ट हौ भन्ने हाम्रो इतिहासले छर्लङ्ग बताइ रहेको छ भने हामीले बुद्ध धर्म मान्न किन कन्जुसाइ गर्ने भन्ने मनस्थितिका साथ स्थापना गरिएको गुम्बा अहिले घोराही उपमहानगरपालिका बासीका लागि गहनाको रुपमा स्थापित भएको छ ।  काठमाडौको स्वयम्भुलाई झै गुम्बालाई विचमा राखेर चौतर्फी मोटर बाटो खोलिएको छ । त्यहाँ आउने बौद्ध दर्शनार्थी र पर्यटकहरुले केही समय स्वर्गको अनुभुति गर्न पाइने हँदा अहिले गुम्बामा आएर रमाउनेहरुको संख्या ह्वात्तै बढेको छ । गुम्बा भित्र बुद्धका रङ्गीचङ्गी झण्डाहरु चारै तर्फ हावाको झोक्काले हानेर फर्फराइरहेको देख्दा पर्यटकहरु केही समय हावाको वहेलीसँग रमाएका हुन्छन् ।  पर्यटक लोभ्याउने विशेषता प्युठान राम राजाका मनिराम पुनले कतारबाट ल्याएको १७ फिट अग्लो बुद्धको मुर्ति गुम्बा भित्र सजाइएको छ भने काठमाडौका एकजना नेवार समुदायले लगभग १५÷२० लाख पर्ने सुनको जलप लगाएको अग्लेश्वरी बुद्धको मुर्ति गुम्बामा राखिएको हुँदा गुम्बामा आउने पर्यटकहरु निकै आकर्षक मानेर हेर्ने गरेको देखिन्छ । यसै गरी घोराही १४ का गुम्बा व्यवस्थापक समितिको पूर्व कोषाध्यक्ष स्व. लाख बुढा मगरको स्मृति दिवसमा उनका छोराहरुले स्टुपा भित्र १६ लाख पर्ने मानी राखिदिएको हुनाले गुम्बा भित्र अवलोकन गर्ने पर्यटक र दर्शनार्थीहरुको नजर सिधै स्टुपा भित्र पुगेको हुन्छ । गुम्बाको अर्काे विशेषता भनेको मनदिल पुन  भ्यू टावर राखिएको छ । यो भ्यू टावर डेक्स क्षेत्रफल २३५ स्क्वायर फिट र फाउन्डेसन क्षेत्रफल २४० स्क्वायर फिट रहेको छ भने यसको उचाइ ६१ फिट रहेको छ । टावरको भार आयतन १.५  टन रहेको हुँदा एक पटकमा १२ जना सम्म अवलोकन गर्न सक्ने गुम्बा व्यवस्थापन समितिका अध्यक्ष सत बहादुर रोका मगरले बताएँ । यो टावर घोराही उपमहानगरपालिका १४ ढोडेनी निवासी समाजसेवी तथा गुम्बाको सल्लाहकार अनरेरी क्या.श्री मन बहादुर पुन र श्रीमती दिलमाया पुन परिवारले रु. चालिस लाख बराबरको लगानीमा निर्माण गरिएको हँुदा मनदिल पुन भ्यू टावर नामाकरण  गरिएको छ । भ्यू टावर निर्माण गर्ने मन बहादुर पुन अहिले हामी माझ नरहे पनि घोराही बासीलाई सधै सम्झनयोग्य छाप छोडेर यस धर्तिबाट विदा हुनु भएको कुरा गुम्बाका अध्यक्षले जानकारी दिए । अहिले  गुम्बाको मुख्य आकर्षणको केन्द्र विन्दु भ्यू टावर नै भएकोले  गुुम्बामा भगवान बुद्धको दर्शन गर्ने लगायत ६१ फिट अग्लो भ्यू टावरबाट घोराही बजारकने मनोरम दृश्यहरु मज्जा लिएर स्वर्गको अनुभुति गर्ने विदेशी तथा स्वदेशी पर्यटकहरुको संख्या दिनानुदिन बढ्दै गएको छ । यद्यपि गुम्बा र भ्यू टावरबाट घोराही बजार अवलोकन गरेर त्यहाँ अन्य प्राकृतिक सौन्दर्यसँग रमाउन पाउँदा मन नै आनन्दित भएको बताउँछन् पर्यटकहरु । 

गुम्बा अवलोक गर्नलाई नेपालका विभिन्न जिल्लाबाट बाँके, बर्दिया, कंचनपुर, रुकुम, रोल्पा, प्युठान, कपिलवस्तु, नवलपरासी, चितवन लगायत बेलाबेला विदेशी पर्यटक पनि आउने गरेका छन् ।  यद्यपि भगवान बुद्धको नियम अनुसार बेलाबेला गुम्बामा पाठपूजा हुने हुँदा झापाबाट भक्तबहादुर तामाङ गुरुलाई लिएर राखिएको छ । यस गुम्बालाई  पश्चिमाञ्चल क्षेत्रको बौद्ध धर्म नमूना केन्द्र बनाई धार्मिक पर्यटन विकासको रुपमा लैजान सकियो भने लुम्बिनीमा बुद्धको दर्शन गर्न आउने विदेशी पर्यटकहरुलाई सजिलै गुम्बामा आगमन गराउन सकिन्छ भन्ने गुम्बा व्यवस्थापन समितिले आंकलन गरेका छन् ।  

विदेश

किन हिंस्रक भीडन्तमा परिणत भयो भारत–चीन सीमा विवाद ?

 

एजेन्सी । भारतीय फिल्म तथा संगीत उद्योगका चर्चित जोडी साजित–वाजिदका एक मुख्य पात्र अर्थात चर्चित संगीतकार वाजिद खानको गएराती निधन भएको छ । खानको पारिवारिक श्रोतले उनको निधन भएको पुष्टि गरेको हो ।

त्यसैगरी गायक सोनु निगमले पनि आफ्नो फेसबुकमा संगीतकार खानको निधन भएको उल्लेख गरेका छन । स्वर्गीय खानको पारिवारिक श्रोतले बताए अनुसार उनी मृगौला पीडित थिए र दुई बर्षअघि उनको मृगौला प्रत्यारोपण गरिएको थियो ।

 

घाँटीमा ईन्फेक्सन भएका कारण मुम्बइको चेम्बुरस्थित सुराना अस्पतालमा भर्ना भएका खानको खानको परिक्षण गर्दा कोरोना संक्रमण भएको पुष्टि भएको थियो । सन १९८१ मार्च १० मा जन्मेका खानको ताजा गीत ‘भाई–भाई ’एक साता अघि रिलिज भएको थियो ।

यो गीत नायक सलमान खानसंगको सहकार्यमा निर्माण गरिएको भारतीय सञ्चार माध्यमले जनाएका छन । वाजिद खान आफना दाई साजिद खानसंग मिलेर संगीत सृजनाको काम गर्दै आएका थिए ।

साजिद–वाजिदको जोडीले सन १०९८ मा सलमान खान अभिनित सुपरहिट फिल्म ‘मैन प्यार किया’ मा संगीत दिएको थियो । यो जोडीले अहिलेसम्म ९ बर्षसम्म निरन्तर संगै काम गर्ने क्रममा १६ फिल्म हिट भएका छन ।

 

 एजेन्सी  |  १ घण्टा अघि चैत ११, २०७६ एजेन्सी : चीनमा वुहान सहरमा कोरोना भाइरस नियन्त्रणमा आइसकेको अवस्थामा अर्को भाइरस देखिएको छ।  यसअघि पनि देखिएको हन्ता भाइरस चीनमा फेरि देखिएको हो। यो भाइरसका सोमबार चीनमा एकजनाको मृत्यु भएको छ।

विश्वभर कोरोना भाइरसको संक्रमण फैलिरहेको बेला चीनमा केही वर्षअघि पनि देखिएको यो भाइरस देखा परेको चीन सरकारको मुखपत्र ग्लोबल टाइम्सलाई उद्धृत गर्दै अन्तर्राष्ट्रिय सञ्चारमाध्यमले जनाएका छन्। काम सकेर सान्डोग प्रान्त फर्किरहेका एक व्यक्तिमा यसखाले भाइरस संक्रमण रहेको फेला परेको अन्तराष्ट्रिय सञ्चारमाध्यमले जनाएका छन्। ती व्यक्ति सवार गाडीमा रहेका अन्य ३२ जनाकोसमेत चेकजाँच गरिएको छ।  भारतमा पहिल्यै हन्ता भाइरस देखा परिसकेको थियो। सन् २००८ मा भारतको तमिलनाडुमा यस भाइरसका रोगीहरुको पहिचान भएको थियो। त्यस समय यसबाट २८ जना संक्रमित भएका थिए।

खासगरी सर्प र मुसा शिकार गर्ने व्यक्तिमा यस प्रकारको संक्रमण पाइएको थियो। सन् २०१६ मा १२ वर्षीय एक बालकको यस रोगबाट मुम्बईमा निधन भएको थियो।   

अन्तर्वार्ता

मन्त्रीदेखि ड्रागन फ्रुट कृषि व्यवसायसम्म ः लोकेन्द्र विष्ट 

चन्द्रा थापा  कोरोना भाइरस महामारी रोकथाम तथा नियन्त्रणका लागि घोषित लकडाउनको समय आज दुई महिना भन्दा बढी भइसकेको छ । यो अवस्थामा उद्योग व्यापार व्यवसाय देशमा थप्प छन् । आज लाखौ व्यक्तिहरुकोे रोजगार गुमेको अवस्था छ । छिमेकीमुलुक भारत तथा अन्य मुलुकमा  रोजगारका लागि गएका नेपाली युवाहरु गाउँ फर्कदैछन् यसबाट मजदुर श्रमिक तथा व्यवसायीहरु बढी मारमा परेका छन् । केहीँ ठाउँमा किसानहरुले उब्जाएको तरकारी तथा फलफुल सडाएर फाल्नु परेको अवस्था छ । यो विषम परिस्थितिको अवस्थामा रुपन्देही शुद्धोधन गाउँपालिकाको  अध्क्षय किशुुनचन्द्र चौधरीले त्यहाँका नागरिकहरुसँग कसरी समन्वय गरेर काम गरिरहेका छन् यसै विषयमा अध्यक्ष किशुनचन्द्र चौधरीसँग गरिएको छोटो कुराकानी ः–

यो लामो समय लकडाउनको अवस्थामा त्यहाँका नागरिकसँग कसरी समन्वय गरेर काम गर्दै आउनु भएको छ ?      अहिलेको यो अवस्थामा यहाँका अति विपन्न वर्गका नागरिहरुलाई राहत वितरण कार्य भइरहेको छ र ५ वटा वडामा क्वारेन्टाइन निर्माण साथै किसानहरुको  दुग्ध पदार्थ तरकारी सहकारी मार्फत बजार व्यवस्थापन गर्ने तथा किसानलाई मल विउविजनको व्यवस्था गर्नुका साथै,  सामाजिक दुरी कायम राखी खेती बाली लगाउन सल्लाह सुझाव दिने लगायत अहिले भारतबाट गाउँपालिका फर्केका नागरिकहरुलाई क्वारेन्टाइनमा राखी आवश्यक चेक जाँच गर्ने  विभिन्न कार्यमा जुटेका छौ ।

  किसानले उत्पादन गरेको  तरकारी सहकारी मार्फत बजार व्यवस्थापन त भन्नुभयो कुन कुन सहकारीले कहाँ कहाँ वितरण गरेका छन् ?      हाम्रा किसान दाजुभाइहरुले उत्पादन गरेको तरकारीहरु अहिले कोटिहवा जनउत्थान कृषि सहकारी संस्था तथा यसै गाउँपालिका वडा नं. १ वेल्वा कृषि सहकारी संस्था मार्फत  बजार व्यवस्थापन गरेका छौ । यो गाउँपालिका पनि  प्रधान मन्त्री आधुनिक कृषि कार्यक्रम  लागु भए पछि १ हजार विघाहमा कृषकहरुले तरकारी खेती गरेका छन् । त्यसकारण प्रशस्त मात्रामा तरकारी उत्पादन हुने हुँदा अहिले यो लकडाउनको अवस्थामा पनि गाउँपालिकाको सिफारिस लिएर सहकारी मार्फत बुटवल, भैरहवा र पाल्पाको तानसेन बजारसम्म तरकारी पु¥याएको अवस्था छ ।  अहिले लकडाउनको अवस्थामा  त्यहाँ विपन्न वर्गका कति घरपरिवारलाई कति रकम बराबरको राहत वितरण गर्नुभयो ?    हाम्रो गाउँपालिकामा  विपन्न वर्गका परिवार त कमै छन् । हामीले पहिलो चोटी ९ सय २५ घरधुरीलाई एकै पटक  वितरण गरेका थियौ, कतिपय  सम्पन्न परिवारका व्यक्तिले पनि राहत लिने गरेको हुदाँ यसरी वितरण गर्दा केही दुरुपयोग भएको कारण अब कुनै पनि विपन्न वर्गका व्यक्तिले खान नपाएको अवस्था छ भने प्रत्येक वडाको टोल विकास संस्थाका पदाधिकारीहरुलाई निवेदन दिएर निवेदन अनुसार टोल विकास संस्थाले  वडामा फोन गरेको १ घण्टा भित्र विपन्न वर्गको घरघरमा राहत पु¥याउने भन्ने निर्णय गरे अनुसार अहिले वडा बाटै घरघरमा राहत पुगिरहेको छ । राहत सहयोग गर्ने सस्थाहरु रुपन्देहीको टाइगर बुररी इण्डष्ट्रिजका सञ्चालक राजेन्द्र खड्काले १० टन ( १००) बोरा चामल सहयोग गर्नु भएको थियो भने कृषि सहकारी सस्थाहरुले रु २ लाख अनुदान साथै पोल्ट्री फर्मले १० कुइन्टल चामल लगायत अन्य संघ संस्था र व्यक्तिकहरुबाट पनि सहयोग आएको थियो । त्यसमा अपुग भएको गाउँपालिकाले खर्च गरेको छ साथै लामो समय सम्म लकडाउन भएको कारण अझै पनि राहत वितरण कार्य भइरहेको हुनाले खर्च विवरण भने आउन बाँकी नै छ ।     हाल  छिमेकी राष्ट्र भारतबाट  रोजगारमा गएका व्यक्तिहरु फर्कने क्रम जारी छ, यहाँको गाउँपालिकामा पनि कति जना व्यक्तिहरु आइसकेका छन् र अझै आउन कति बाँकी छन् केही तथ्याङ्क संकलन गर्नु भएको छ कि छैन, ती आएका व्यक्तिहरुलाई कहाँ कसरी व्यवस्थापन गर्नु भएको छ ?       हामीले गाउँपालिकाको ५ वटा वडामा क्वारेन्टाइन बनाएका छौ, ती वडाहरु वडा नं. १ मा सिसइ, २ मा वनगाई मा.वि.,३ र ४ मा यज्ञजय दुधनाथ थारु बहुमुखी क्याम्पस, ५मा भगलापुर मा.वि. ६ र ७ मा बुरौलीया मा.वि यी ठाउँमा भारतबाट आउने व्यक्तिहरुलाई कम्तिमा १४  र बढीमा २२ दिन क्वारेन्टाइन राखेर आर.डि.टी.चेक गरी नेगेटिभ आएका ४६,२२,३६ गरी १ सय चार जनालाई घर पठाइ सकेका छौ । अहिले पनि लगभग ६० जना भन्दा माथि क्वारेन्टाइनमै रहेको हुनाले हामी सबै व्यवस्थित गरेर राखेका छौ । अझै पनि भारतबाट  आउनेक्रम जारी रहेको हुनाले  छ  सुनौली नाका, कृष्णनगर नाका र नेपालगञ्ज नाकामा आएकाछौ गाडी पठाइदिनुहोस् भन्दै फोन गरेका छन् यो जोखिमको बेला एम्बुलेन्सले पनि लिन जान नमाने पछि केही समस्या भएको छ ।        यति बेला  भारतबाट युवाहरु फर्कने क्रम जारी छ त भन्नुभयो, अन्य देशबाट पनि युवाहरु फिर्ता ल्याउने भन्ने कुरा छ अब यो युवा जनशक्तिलाई गाउँपालिकाले  कसरी व्यवस्थापन गर्ने सोँच बनाउनु भएको छ ?        यो शुद्धोधन गाउँपालिका कृषिक्षेत्रका लागि उर्वर भुमि मानिन्छ । अब वैदेसिक रोजगारमा गएका लाखौ युवाहरु नेपाल फर्के भने उनीहरुलाई धान्न सक्ने अन्न उत्पादन गर्नु पर्छ भन्ने हाम्रो सोँच हो । यो गाउँपालिकामा जुनसुकै व्यक्तिले पनि कृषि गरेर अन्न उब्जनी गर्छु भन्छ , पशुपालन गरेर दुग्ध पदार्थ उत्पादन वा अन्य कुनै कृषिसँग सम्बन्धित व्यवसाय गर्छु भन्छ भने  गाउँपालिकाले कति अनुदान दिएर सहयोग गर्नु पर्छ त्यो व्यवस्था मिलाएर अबका युवाहरुलाई कृषिमा आत्मनिर्भर बनाउँने सोँच लिएका छौ किन भने यो कोरोना भाइरसको लकडाउनले स्वदेशी  वस्तुको प्रयोग बढाउँने र युवाहरुको श्रम शक्तिलाई नेपालमै रोक्न सक्नुपर्छ भन्ने बुझाएको छ साथै कृषि नै संसारमा उत्तम कर्म रहेछ  भन्ने पाठ सिकाएको छ ।

       यो विषम परिस्थितिको समयमा दिनहुँ नागरिकको काममा जुटिरहदा कतिपय गाउँपालिका अध्यक्ष समेत संक्रमित भएका छन् , यहाँले आफुलाई कतिको सुरक्षित ठान्नुभएको छ ?        म भन्दा पनि सम्पूर्ण नागरिक सुरक्षित रहनुपर्छ भन्ने लाग्छ । आजसम्म यो गाउँपालिकामा सबै सुरक्षित छौ अब भने हाम्रै गाउँपालिकामा भारतबाट लुकीछिपी आएका व्यक्तिहरु धेरै छन् त्यसैले अब भने अझ सावधानी अपाउनु पर्छ भन्ने लागेको छ ।

Streaming Videos