ओझेल भित्रका सचेतना अभियान
No icon

नेकपा एमाले, तिनाउ गाउँ कमिटीद्वारा आयोजित प्रथम पार्टी प्रशिक्षण कार्यक्रम

नेकपा एमाले,तिनाउ गाउँ कमिटी, पाल्पाको दोस्रो अधिवेशनबाट निर्वाचित कमिटीको पहिलो बैठक दोभानमा शुक्रबार सम्पन्न भयो । साथै बैठकपछि उनीहरुका लागि पार्टी प्रशिक्षण कार्यक्रमको समेत आयोजना गरिएको थियो ।

प्रशिक्षणमा संघीय सांसद माननीय ठाकुरप्रसाद गैरे र तिनाउ गाउँपालिकाका अध्यक्ष प्रेम श्रेष्ठले तिनाउको एकीकृत विकास र सम्भावनाका विषयमा सहजीकरण गरेका थिए ।  त्यसै गरी सूचना,प्रविधि र पार्टीका सन्दर्भमा प्रदेश सांसद एवम् पार्टीका नेता खेमबहादुर सारुले सहजीकरण गर्दै सूचना तथा प्रविधिसँग पार्टीलाई जोड्नु पर्नेमा उनले जोड दिएका थिए । 

साथै प्रशिक्षणमा प्रदेश स्कुल विभागका उपप्रमुख दलबहादुर गुरुङले पार्टी प्रश्नोत्तर  र राष्ट्रिय प्रतिनिधि परिषद् सदस्य ओमबहादुर घर्तिमगरले दर्शन र सिद्धान्तका बारेमा सहजीकरण गरेका थिए । 

प्रशिक्षणमा नेकपा एमाले,रुपन्देही स्कुल विभागका प्रमुख युवराज घिमिरेले वैठक सञ्चालन र माइन्यूट लेखन सम्बन्धि विषयमा सहजीकरण गरेका थिए । 
 पार्टी जिल्ला उपाध्यक्ष देवीलाल लामिछाने,रोमबहादुर लम्तरी र विकास अर्यालले प्रशिक्षण प्रभावकारी भएको बताएका छन् ।

Comment As:

Comment (0)